Thursday, 11, August, 2022

लागुपदार्थ र दुर्व्यसनको प्रभाव समेटिएको लघु चलचित्र ‘जुभेनाइल’ पद्मोदयमा प्रदर्शन

काठमाडौँ । चेतनामुलक लघु चलचित्र  ‘जुभेनाइल’ काठमाडौँको एक विद्यालयमा प्रदर्शन गरिएको छ ।

विद्यार्थीलाई ज्ञान तथा चेतनास्तरको विकास गर्ने उद्धेश्यले  निर्माण गरिएको लघु चलचित्र ुजुभेनाइलु राजधानीको भृकुटीमण्डपस्थित पद्मोदय माध्यमिक विद्यालयमा शुक्रबार प्रदर्शन गरिएको हो ।

लागुपदार्थको प्रयोग, यसको दुरुपयोग र दुर्ब्यसनमा लागेमा यसले ब्यक्तिमा , परिवारमा र समाजमा पार्ने असरबारे चेतना दिने उदेश्यले निर्माण गरिएको लघु चलचित्र पहिलो दिन पद्मोदयका माध्यमिक तहका विद्यार्थीहरुलाई देखाइएको आयोजकले जनाएको छ ।

निर्माता तथा कलाकार माधव पौडेलको निर्माण र नेपालकै पहिलो सिनेमेटोग्राफरसमेत रहेकी सबनम मुखियाको निर्देशनमा बनेको सो  लघु चलचित्र लागू पदार्थ र दुर्ब्यसनले पार्ने असरका  बारेमा उपयुक्त ज्ञान मिलेको विद्यार्थीहरूले बताएका छन् । उनीहरूले आफूहरूलाई मेहनत गर्नुपर्छ, आमा बुवाको सपना असल मान्छे बनेर साकार पार्नु पर्छ भन्ने पाठ मिलेको बताएका छन् ।

यसका साथै विद्यार्थीसँगै बसेर लघु चलचित्र हेरेका प्रधानाध्यापक नारायणप्रसाद गौतमले पनि कार्यक्रम निकै प्रभावकारी भएको र यसले विद्यार्थीलाई  कुनैपनि कुलतमा फस्न नहुने कुराको ज्ञान दिएको बताए । उनले  मिहेनत गर्न  र अनुशासनमा बस्नेबारे  विद्यार्थीलाई पाठ मिलेको बताए ।  प्रधानाध्यापक गौतमले यस्ता खालका प्रदर्शन आगामी दिनमा पनि गर्न अनुरोध गरेका छन् ।

विद्यालयका सहायक प्रधानाध्यापक निर्मल खतिवडाले लागुपदार्थ र दुर्व्यसनका कारण बालबालिका, युवापुस्ता लगायत सबै वर्गका मानिसमा ठूलो असर पार्ने भएकाले यस्ता खालका फिल्ममार्फत जनचेतना दिनु आवश्यक रहेको बताए ।

फिल्मकी निर्देशक सबनम मुखियाले यस्तो चेतानामुलक चलचित्र ७७ वटै  जिल्लाका विद्यालय प्रदर्शन गरिने योजना रहेको बताइन् । लघु चलचित्र जुभेनाइलमा कलाकारहरु कुमार गजुरेल, मोहन राई, ओम कृष्ण भण्डारी, माधव पौडेल , सन्जना तिमिल्सिना, निशा थापा, जय जगदिश अधिकारी  र बिष्णु कोइरालालगएतको अभिनय रहेको छ ।