Friday, 09, July, 2021

सन्दीप लामिछाने बेलायत उडे

काठमाडौँ । द हन्ड्रेड क्रिकेट प्रतियोगिता खेल्न नेपाली लेग स्पिनर सन्दीप लामिछाने बेलायत उडेका छन्।

उनी गएराति टर्किस एयरबाट बेलायत प्रस्थान गरेका हुन् । त्यहाँ लामिछानेले १० दिन क्वरेण्टीनमा बस्नुपर्ने छ।

उनको दुई पटक कोरोनाको पीसीआर परीक्षण हुनेछ । नेगेटिभ रिपोर्ट आएपछि मात्र टिममा सामेल हुनेछन् । द हन्ड्रेड प्रतियोगितामा लामिछानेले ओभल इन्भिन्सिबलबाट खेल्नेछन् ।

यो प्रतियोगिता आगामी साउन ७ गतेदेखि शुरु हुनेछ । यसअघि बेलायतको भिसा ढिला आएको कारण सन्दीपले भाइटालिटी टी–ट्वान्टी ब्लास्ट क्रिकेट भने गुमाएका थिए । बेलायतबाट लामिछाने क्यारेबियन प्रिमियर लिग (सिपिएल) खेल्न जानेछन् ।