Sunday, 11, July, 2021

पाल्पामा पहिरोले घर पुरिँदा एकको मृत्यु, एक बालक बेपत्ता

पाल्पा। पाल्पाको तिनाउ गाउँपालिका–५ मा पहिरोले घर पुरिँदा एक जनाको मृत्यु भएको छ । चार वर्षीय बालक बेपत्ता भएका छन् । उक्त घटनामा सात जना घाइते भएका छन् ।

तिनाउ–५ का ४५ वर्षीय वीरबहादुर गुरुङको पहिरोमा पुरिएर मृत्यु भएको हो । स्थानीय पूजा परियारका चार वर्षीय छोरा बेपत्ता भएका छन् ।

अहिले घटनास्थलमा प्रहरी टोली उद्धारका लागि गएको जिल्ला प्रहरी कार्यालयले जनाएको छ । पहिरोले नरबहादुर राना, आकाश तामाङ, हरि दर्लामी, वीरबहादुर गुरुङ र रमेश परियारको घर पुरिएको छ ।