Tuesday, 08, June, 2021

आजदेखि ६० देखि ६४ वर्षका नागरिकलाई कोरोनाविरुद्धको खोप

काठमाडौँ । सरकारले आजदेखि ६० देखि ६४ वर्ष उमेर समूहका नागरिकलाई कोरोना भाइरसविरुद्धको खोप लगाउने भएको छ ।

चीन सरकारले अनुदानमा उपलब्ध गराएको खोप भेरोसेल काठमाडौँ उपत्यकामा ६० देखि ६४ तथा उपत्यका बाहिर ६२ देखि ६४ वर्ष उमेर समूहकालाई लगाइने स्वास्थ्य तथा जनसङ्ख्या मन्त्रालयले जनाएको छ ।

खोपको उपलब्धताका आधारमा उपत्यकाबाहिर ६२ देखि ६४ वर्ष उमेरकालाई खोप दिइने छ । ६० देखि ६४ वर्ष उमेर समूहका नागरिक आठ लाख ५४ हजार रहेकाले खोपको दोस्रो मात्रा नपुग्ने देखिएको छ ।

तिब्बतसँग सीमा जोडिएका स्थानीय तहमा भने १८ वर्षदेखि माथिका सबैलाई खोप लगाइने छ । खोप लगाउन जाँदा सबैले उमेर खुल्ने प्रमाणपत्र लैजान मन्त्रालयले अनुरोध गरेको छ ।

पहिलो र दोस्रो चरणमा गरी चीनले नेपाललाई १८ लाख डोज खोप अनुदानमा उपलब्ध गराएको छ ।