Thursday, 10, June, 2021

एमाले सुदूरपश्चिम संसदीय दलको बैठक, समर्थन फिर्ता लिनेबारे छलफल हुँदै

धनगढी । सुदूरपश्चिम प्रदेश सभाको एमाले संसदीय दलको बैठक शुरु भएको छ । मंगलबार आपसी विवादका कारण बस्न नसकेको बैठक आज बसेको हो ।

सो बैठकमा २० प्रदेश सभा सदस्य सहभागी छन् । सुदूरपश्चिम प्रदेश सभामा एमालेको तर्फबाट सभामुखसहित कुल २५ सदस्य रहेकोमा बैठकमा ४ जना अनुपस्थित छन् । अनुपस्थित हुनेमा ओली पक्षका रतना थापा, ग्याल्बुसिंह बोहरा र लीलाधर भट्ट तनथा माधव नेपाल समूहका चुनकुमारी चौधरी छिन् ।

सुदूरपश्चिम प्रदेश सरकारलाई दिएको समर्थन फिर्ता लिने कि नलिने भन्ने सम्बन्धमा बैठकमा छलफल हुनेछ । माधव नेपाल पक्ष सहभागी नभएको एमाले स्थायी कमिटी बैठकले माओवादी नेतृत्वमा रहेको सुदूरपश्चिम प्रदेश सरकारलाई दिएको समर्थन फिर्ता लिने निर्णय गरेको छ ।

यस विषयमा एमालेभित्र विवाद छ । ओली पक्ष आफ्नै नेतृत्वमा सरकार गठनको कसरतमा रहे पनि नेपाल पक्ष अहिलेकै सरकारलाई समर्थन दिने पक्षमा देखिन्छ ।