Thursday, 10, June, 2021

ओलीले बालुवाटारमा स्थायी कमिटी बैठक डाके

काठमाडौं । नेकपा एमालेका अध्यक्ष एवम काम चलाउ सरकारका प्रधानमन्त्री केपी शर्मा ओलीले पार्टीको स्थायी कमिटी बैठक डाकेका छन्।

संविधानको धारा ७६ को उपधारा २ अनुसार दुई वा दुईभन्दा बढी दलको बहुमतको सरकार बनाउन राष्ट्रपति विद्यादेवी भण्डारीले दिएको समय सकिन लाग्दा ओलीले अहिले बालुवाटारमा बैठक डाकेका हुन् ।

विपक्षी गठबन्धनले नयाँ सरकार बनाउन कसरत गरिरहेको र एमालेमा नेता झलनाथ खनाल र माधवकुमार नेपाल पक्षका सांसदहरूले सामूहिक राजीनामा दिने धम्की दिइरहेको सन्दर्भमा छलफल गर्न ओलीले स्थायी कमिटी बैठक डाकेका हुन्।

राष्ट्रपति भण्डारीले दलहरूलाई मिलेर बहुमतको सरकार बनाउन आज राति ९ बजेसम्मको समय दिएकी छिन् । बहुमतको दाबी गर्न नसके संविधानको धारा ७६ को ३ अनुसार संसदको सबैभन्दा ठूलो दलको संसदीय दलको नेताका हैसियतमा ओलीले नै प्रधानमन्त्री हुने सम्भावना कायमै छ ।