Saturday, 17, July, 2021

फेसियल हाउसको १३ औं वार्षिकोत्सव सम्पन्न

काठमाडौं । विभिन्न ठाउँमा शाखा रहेको पुरानो र प्रतिष्ठित फेसियल हाउसको १३ औं वार्षिकोत्सव शुक्रबार भव्यताको साथ सम्पन्न भएको छ ।

फेसियल हाउसकी प्रबन्ध निर्देशक सुष्मा महराको सभापतित्व भएको कार्यक्रममा पूर्व सांसद शान्ता चौधरी प्रमुख आतिथि र नेपाल महिला चेम्बरकी अध्यक्ष उर्मिला श्रेष्ठको विशेष अतिथिको रुपमा रहेकी थिइन् । कार्यक्रममा उपस्थित प्रमुख अतिथि, अतिथि र सहभागीले फेसियल हाउसले सौन्दर्यको क्षेत्रमा गरेको योगदानको प्रशंसा गरे ।

प्रवन्ध निर्देशक महराले पनि आगामी दिनमा अन्य ठाउँमा पनि सेवा विस्तार गर्दै लैजाने जानकारी दिइन् । ‘सुरुमा यो व्यवसाय गर्दा नै मलाई आँट थियो, जसरी भए पनि स्थापित हुन सकिन्छ भन्ने लागेर नै यसैमा झुकाव दिएँ’ उनले भनिन् ‘म आफैंले त राम्रो भन्ने कुरा भइहाल्छ अरुले पनि कामको प्रशंसा गरेका छन् ।’ महराले यो व्यवसायलाई राम्रो र व्यवस्थित बनाउन आफू सधैं लागिपरेको पनि दाबी गरिन् ।

उनले फेसियल हाउसलाई काठमाडौं बाहिर पनि लगेकी छिन् । आफ्नो कामको मूल्यांकन गर्दै अन्य ठाउँमा पनि शाखा विस्तारका लागि आग्रह गरेर गरिएको उनको भनाई छ । कार्यक्रममा नेपाल उद्योग वाणिज्य संघकी कार्यकारिणी सदस्य एवम रत्न तथा आभूषण संघकी अध्यक्ष ज्योत्सना श्रेष्ठ, नेपाल व्युटिसियन संघकी अध्यक्ष भगवती खड्का, नेपाल सौन्दर्य कला व्यवसायी संघकी अध्यक्ष कमला श्रेष्ठ, वरिष्ठ सौन्दर्यविद् प्रा. डा.राजश्री श्रेष्ठलगायतको उपस्थिति रहेको थियो ।

कार्यक्रममा वरिष्ठ सौन्दर्यविदद्व्य प्रा. डा. राजश्री श्रेष्ठ र कमला श्रेष्ठलाई ‘फेसियल हाउस सम्मान २०२०’ बाट सम्मान गरियो । प्रमुख अतिथि चौधरीले फेसियल हाउसले प्रवाह गर्दै आएको सेवाको तारिफ गरिन् ।