Saturday, 10, July, 2021

बिहिवारदेखि लकडाउन खुकुलो, व्यवसाय सञ्चालन गर्न पाउने

काठमाडौं । प्रधानमन्त्री निवास बालुवाटारमा बुधवार राति सम्पन्न मन्त्रिपरिषद्ले लकडाउनलाई खुकुलो पार्ने निर्णय गरेको छ । बिहिवारदेखि सरकारले पसल व्यवसाय सञ्चालन गर्न दिने र निजी सवारीसाधन जोरबिजोरका आधारमा सञ्चालन गर्न दिने निर्णय गरेको छ ।

यो निर्णय बिहीवारदेखि नै लागू हुने बैठकमा सहभागी एक मन्त्रीले जानकारी दिए । बैठकले सबै किसिमका पसलहरु सुरक्षा मापदण्ड अपनाएर सञ्चालन गर्न दिने निर्णय गरेको हो ।  त्यसैगरी बैठकले एसइइको यस वर्षको परीक्षा नगरी कानून बनाएर विद्यालयको आन्तरिक मूल्याङ्कनको आधारमा परीक्षाफल प्रकाशित गर्ने निर्णय गरेकाे छ ।