प्रमुख समाचार प्रवास

परदेशमा युवाको अकालमै मृत्यु, लास अझै अलपत्र

विशाल बस्नेत (युएइ)


१४ महिना अगाडी युएइको पाटी सेन्टर भन्ने एक कम्पनीमा काम गर्न आएका झापा काकरभित्ताका युवा बिक्रम तामाङको मृत्यु भएको छ ।

गत आइतबार सुत्नुभन्दा अगाडी स्वास्थ्यमा कुनै समस्या नभएतापनी अचानक सुतेकै ठाउँमा मृत्यु भएको एउटै कोठामा बस्ने उनका साथीहरुले बताएका छन ।

“गत आइतबार बिक्रम हामीसँगै कुरा गरेर सुतेको थियो तर बिहान उठ्दा नसोचेको भयो ।” उहीँ कोठामा बस्ने उन्का साथी झापाकै सुर्य बुढाथोकीले बताए ।

मृतकको परिवारलाइ उनकै साथीहरुले जानकारी समेत गराएका छन । ” हामीले वाहाको परिवारलाइ खबर त गर्‍यौ तर अझै पत्याउनु भएको छैन । सानै २२ बर्षकै उमेरमा भएको मृत्यु सबैलाइ अप्रत्यारिलो नै हुनसक्छ तर हाम्रै अगाडी भएको घटनाले हामी समेत अत्यन्त मर्माहत छौ ।” उनकै गाउँ नजिकैका दाइ पर्ने भवानी बिक्रम स्याङ्तानले बताए ।

तामाङको दु:खद मृत्युले आफुहरु अत्यन्त दुखी भएको बताउदै लासलाइ सकेसम्म छिटो आफन्तहरुको जिम्मा लगाइदिन उनका साथीहरुले अनुरोध पनि गरेका छन् ।

यता उनी काम गर्ने कम्पनी पाटी सेन्टरसँग बुझ्दा युएइस्थित नेपाली दुताबासलाइ मृतकको मृत्युको बिषयमा जानकारी दिसकिएको पनि बताइएको छ । तर मृत्यु भएको ६ दिन बितिसक्दा पनि लास कहिलेसम्म नेपाल पठाउने भन्ने बिषयमा अझै अन्योल छ ।

मृतकको लासलाइ पोष्टमार्टमका लागी आइतबार नै रसिद हस्पिटल समेत लगिएको थियो । पोष्टमार्टमपछी रसिद हस्पिटलले आफ्नो रिपोर्टमा उनको मृत्युलाई प्राकृतिक मृत्यु भएको निष्कर्ष निकालेको छ ।

त्यसैगरी प्रहरीले पनि तामाङको मृत्युको सम्बन्धमा आबस्यक अनुसन्धान गरिरहेको बताइएको छ । उनको अचानक भएको मृत्युकै बिषयमा बुझ्नका लागी तामाङकै कोठामा बस्ने सुर्य बुढाथोकीलाइ प्रहरीले सोधपुछको लागी भन्दै बोलाएको थियो । सामान्य सोधपुछपछी आबस्यक परेमा फेरी पनि बोलाउने भन्दै छाडेको बुढाथोकी स्वयंले बताए ।

उनी नेपालस्थित कुनचाही मेनपावरबाट आएका हुन भन्ने खुल्न सकेको छैन । एउटै कोठामा बसेतापनी फरक-फरक कम्पनीमा काम गर्ने भएकाले आफुहरुलाइ कुन मेनपावरबाट आएको हो भन्ने कुनै जानकारी नभएको उनिहरुले बताए ।

“हामी अतितका कुरा भन्दा पनि निक्कै बेर भबिष्यका कुरा गरेर बिताउथ्यौ बास्तबमै उस्का ठुला-ठुला सपनाहरु थिए । अलिकती पैसा जम्मा गरेर छिट्टै नेपाल गएर केही गर्ने उस्को ठूलो योजना थियो तर पूरा हुन सकेन ” उन्को गाउँकै नजिकका दाइ पर्ने भवानीबिक्रम स्याङ्तानले भावुक हुँदै भने ।

उनको आत्माको चिरसान्तीको लागी सबै साथी मिलेर दिपप्रज्वलन समेत गरेको गरेको उनले बताए ।